الرئيسية
تعرفون ستايل الصبيان هاليومين الشمآآغ اللي على الرقبه وهذا شكل من الاشكال ..
بيني وبينكم عاجبتني الحركه بس احنا يالبنات حق وين نلبس ..
..
[2]
والله كل حالتهم حاله شعر شطوله و كبووس و فانيله حالتها حاله و شورت مورد و زقاير طبعاً
و يطقون سيارتهم باليس ^^ :: عساكم على القوه ::
..
[3]
كل تحسونهم يشتغلون في البنوك خخخ
خبركم مسويين ستايل يديد جاكيت مال بدله وجينز يقهرني هالستايل والله يعني يا تلبسون بدله كامله ..
يا ارحموناا وكملو كشخه الجينز الله يعافيكم ..
..
[4]
هم جذي والله ههههههههه
ارفع شعرك بعد شوي عليك هذا سولك محطت صاروخ وفك عمرك
يعني تحسونهم مكملين سالفه تقليد الغرب كامله سلاسل و فانيله لونها عجيب غريب وجينز سكيني و لوو ويست ^^ واللي مافهم يعني (( جينز ضيق كامل من فوق لين تحت و نازل على الخصر )) وتعرفون الحركه اللي ملابسهم الداخليه طالعه عزكم الله و فوق هذاا لا يفوتكم الشعر هاليومين خلاص جنوو وقعدووو باقي يطيرون وياه والله الحين شكبرررررررره صاير !! ويسوينه استشواار بعد بدل الجل !!
..
[5]
(( عيال محرق ))
يقولكم ماتكمل حلاه الرجال الخليجي الا بثوبه وغترته (( شماغه )) يعني انا الصراحه يعجبني الصبي اللي يلبس ثووب احس الرجوله موجوده للحين ..
طبعاً مافي احلى من عاداتنا وتقاليدناا ولو شيسوون تبقى الحلاه الخليجيه احلاهم ..
بس انا يذبحني المسباح اللي بيدهم اللي يسمعهم يسبحون صج هههههههههه
(( لزوم الكشخه ))
خلصنه من اشكال وستايل الشباب والحين ستايل واشكال البناااااااات
ــــــــــــــــــــــيال له نبدأ بأسم الله الرحمن الرحيم ..
مثل هالبنات الحين منتشرين مسويين روحهم يهاال ..
يعني عنقوصين (( قرنين )) مادري شتسمونه بس مثل شعرهاا ^^
و تنوره قصيره وتحتها جوراب طويل و بووت و اهم شي القذله ..
ساعات اشوف مثل هالبنات بالمجمعات يضحكوني والله احس اني بأمريكاا ..
بس نادرين يعني ..
|.|.|.|.|.|.|.|.|.|.|
[2]
هذا الستايل الغريب العجيب ..
ستايل الرووك .. يلوعون جبدي والله ..
اذكر ايام المدرسه كان عندنا بنات مثلهم تحسون كل شي مثل الجماجم وسلاسل و اشياء واايد بيدينهم ..
واهم شي الكحل اللي تحسونه بيوصل لين خدهم و الشعر هذاا اللي ستايل الحين ايموو اذا تعرفونهاا ^^ ,,
منتشرين وايد هالبنات و تحسونهم قريبين لأشكال الاولاد .. قررف (( آآسفه ))
يعني مادري حلاة البنت بنعومتهاا ولا انتو شتقولون
|.|.|.|.|.|.|.|.|.|.|.|
[3]
هههههههههههههههه على قولتكم حجاب ابو نفخه ...
تدرون الحين كل مبالغ فيه مثل ما الصبيان قامو يبالغون بتسريحات شعرهم شوي و توصل السقف ..
البنات بعد راسهم شكبره !!! ..
والشيله بس جذي يعني ستايل لأن التراجي طالعه و نص الشعر بررع
والدفه ضيييييجه تحسونها ماتقدر تحرك ايدهاا خخخخ ..
وبخصوص الشناط الكبيره الحين ماشاء الله كأنج بتروحين بركه سباحه ..
انا ماعجبني ستايل الشناط الكبيره ومازلت افضل الصغيره لأني احس هالستايل دفش
|.|.|.|.|.|.|.|.|.|.|.|
[4]
بما ان هالصوره اسمها متنقبه يعني ماتبين الا العين فخليتها
لأن بتصير تخررع بدون عين يعني نقاب معلق على الخالي
متنقبه وتقص على روحهاا خخخ ..
في بنات يلبسون نقااب و الطرحه وره وكأنها عرووس سوري للبنات اللي يلبسون ..
هالمتنقبات والله تلقونهم مغطيين وجهم ومطلعين العين بس وكلهم مسكراا وكحل و شدوو ..
تخلي الرجال غصب يشوف و مافي رجال يطوف الا يقولها فديت هالعيوون خخخخ ..
وبالنسبه للعبايه خليها على الله لأنهاا ماتقدر تتنفس ..
طبعاً في العكس بنات متنقبات ومايبين شي منهم ربي يحفظهم و يدوم هدايتهم يارب
|.|.|.|.|.|.|.|.|.|.|.|
[5]
هالستااااااااااااااايل يضحكنييييييييييييييييييي والله والله عجييب ههههههههههههههههه
احسها قطعه اثاث متحركه تلقينها لونين او 3 مافي غيرهم و بخصوص الشيله اللي على راسهاا
مادري جم وحده يحطون يربطونهم ببعض اشياء غريبه على الراس !!!
وطقم الملابس كل شي ضيييييييييج رسم رسم و لابسه شيله ليش فديتج
|.|.|.|.|.|.|.|.|.|.|
[6]
هذا ستايل البنوتات اللي فرري طبعاً
يعني مره تلقونهم مسويين الشعر ويفي و لابسين تنوره قصيره وبدي او فستان قصير ..
ومره الشعر سيده و الباف طبعاً و لاتنسون الحين البلاشر المتروس بالويه والحمره الحمرااااا خخخ
و ملابسهم يمكن جينز وبدي عادي ^^
ويعني بالاخير قصدي البنات اللي مايلبسون لا عبايه ولا شيله مثلي طبعا خخ ^^
|.|.|.|.|.|.|.|.|.|.|
[7]
هذي احلاهم طبعاً
البنت المتحجبه حجاب كامل ومتستر و سوري صارت العبايه ضيحه لأن اختي اللي حددت الرسمه وماقدرت تضبطهاا ^^ ..
بس القصد بالبنت الملتزمه بالحجاب الشرعي و اللبس الفضفاض و كل مايطلع من جسدها
هو وجهاا و يدينهاا ,,
مشكور اختي على الموضوع وصدقتين في كلامش وجد انجوف هلجدي
وجد عجبون يا اسويت قيل